Müştəri seqmentasiyası

Müştəri Seqmentasiyası

• Müştəri qruplarına ümumi yanaşmaq olmaz. Məsələn, eyni məhsulu və ya xidməti, eyni kampaniyanı, eyni mesajı bütün müştərilərə təqdim etmək düzgün deyil.

Əgər müştəri sizdən kreditlə, endirimli və ucuz qiymətə təkər alıbsa, ona endirim kampaniyaları, kredit şərtləri və ucuz seqmentə aid təkərlərlə müraciət etmək daha məqsədəuyğundur. Bu zaman müştərini əldə saxlamaq və satış etmək ehtimalı daha yüksək olur. Bunun üçün alış davranışlarına əsasən müştərilər avtomatik olaraq aşağıdakı kimi qruplaşdırılmalıdır:

• Kreditlə alış edən müştərilər
• Endirimli məhsullara üstünlük verən müştərilər
• Ucuz qiymətli məhsul alan müştərilər və s.

Müştəri Seqmentasiyasının Əsas Tətbiq Sahələri

1) Məhsul və Xidmət İnkişafı

Şirkətlər müxtəlif seqmentlərin ehtiyaclarını və istəklərini nəzərə alaraq, onlara xüsusi məhsul və xidmətlər təqdim edə bilərlər. Bu, məhsul və xidmət portfelinin təkmilləşdirilməsinə kömək edir.

2) Rəqabət Üstünlüyü

Seqmentasiya yolu ilə şirkətlər bəzi niş bazarları və ya ehtiyacları qarşılamaq üçün xüsusi məhsul və xidmətlər təklif edərək rəqiblərdən fərqlənə bilərlər.

3) Qiymətləndirmə Strategiyaları

Müxtəlif seqmentlər üçün müxtəlif qiymət strategiyalarını tətbiq etmək mümkündür. Bu, hər seqmentin ödəmə qabiliyyətinə və məhsulun dəyər qavrayışına uyğun qiymət təyin etməyə şərait yaradır (bu, endirim formasında da təqdim oluna bilər).

4) Satış və Paylaşımın Optimallaşdırılması

Müştərilərin coğrafi və demoqrafik xüsusiyyətlərini nəzərə alaraq, satış və məhsul paylaşım kanallarını daha effektiv şəkildə təşkil etmək mümkündür.

Nəticə

Ümumilikdə, seqmentasiya müştəri bazasının daha yaxşı anlaşılmasına, məhsul və xidmətlərin hədəflənmiş şəkildə təqdim olunmasına və marketinq-satış strategiyalarının effektivliyinin artırılmasına şərait yaradır. Bu da, öz növbəsində, müştəri məmnuniyyətinin və şirkətin ümumi uğurunun artmasına səbəb olur.